COLABORAN
A lonxitude media da ruta circular é de 25,800 quilómetros.
Ademais, a variante 1 é de 3,100 quilómetros; a variante 2 é de 4,800 km. e a derivación de 460 metros (ida).
O tempo estimado necesario para percorrer a ruta principal é de seis horas e media.
Desnivel neto: 277 metros
Altura máxima: 501 m.
Altura mínima: 224 m.
Ascenso acumulado: 994 metros
Descenso acumulado: 994 metros
Pendente media de ascenso: 7,2 %
Pendente media de descenso: 7,8 %
Segundo o método MIDE, a estimación do grado de dificultade do trazado é o seguinte:
Medio: 2
Itinerario: 2
Desprazamento: 2
Esforzo: 3
A ruta principal non pisa máis do 10 % de tramos con firme de asfalto ou cemento, agás o que é o cruzamento dos pobos e enlaces entre puntos. Así, percorrendo o sendeiro pasaremos polos núcleos de varias aldeas onde o firme está asfaltado ou cementado coas seguintes totalidades:
No inicio da ruta percorreremos 650 metros polo centro do lugar de Moreiras por firme de cemento e asfalto. Porén, trátase de rúas estreitas entre casas con escaso tráfico, agás o servizo da veciñanza.
O seguinte tramo de asfalto atoparémolo despois do quilómetro 4,5 da ruta. Será dunha lonxitude de 190 metros e sitúase á beira da estrada comarcal OU-0519, no linde do Concello de Toén co de Barbadás.
Atravesando o núcleo de Mugares iremos uns 550 metros por camiños da aldea co firme de asfalto.
No Fondón, o tramo de asfalto que temos que percorrer é de 215 metros, desde o final da aldea ata o inicio do camiño polo monte. Antes de chegar a Toén percorreremos un tramo de estrada asfaltada uns 120 metros. Xa en Toén uns 75 metros polo núcleo ata cruzar a estrada e ao saír de Toén 350 metros por unha pista asfaltada.
En Trelle uns 130 metros pola aldea e despois da mesma 120 metros por dúas estradas (a da encrucillada da igrexa) para enlazar cun camiño.
