COLABORAN
Antes de efectuar a inscrición é importante tomar en conta o regulamento da proba. Cada unha das normas que o compoñen buscan garantir en todo momento a integridade dos participantes. Estas normas son de obrigada lectura e cumprimento para todos eles, e todos eles asumen con responsabilidade ó inscribirse a aceptación destas normas.
A organización gárdase o dereito a non admitir a aquelas persoas que, unha vez inscritos, non acepten ou cumpran esta normativa ou provoquen calquer tipo de altercado que poida incidir negativamente no desenvolvemento da actividad, convivencia e integridade do resto de participantes.
Poderán participar todas as persoas maiores de idade inscritas e menores a partires de 14 anos acompañados dun adulto, ou sós con permiso por escrito dos seus pais ou titores. Menores de 14 anos obrigatoriamente acompañados dos seus pais ou titores.
Será obrigatorio levar o dorsal posto durante toda a andaina xa que é un elemento imprescindible para levar control da proba.
Recoméndase a todos que midan as súas forzas. A andaina ten tramos de dificultade media-alta polo que compre certo entrenamento para facela enteira. Se en calquera momento da proba alguén se amosa canso/a ou sofre algunha lesión de importancia, debe comunicalo a outro participante ou, se é posible, achegarse ao control máis próximo. A organización disporá dun servizo de controis itinerantes para solucionar este tipo de problemas. É recomendable que os participantes dispoñan dunha licencia federativa ou conten cun seguro para o suposto de calquera accidente ao longo do percorrido. O responsable de control e os camiñantes escoba poderán retirar da proba a calquera participante se consideran que seu estado físico así o aconsella, ou se vai máis lento do que consideren normal.
A organización declina toda responsabilidade no caso de accidente ou neglixencia. Os participantes exoneran á organización de toda responsabilidade no caso de accidente ou lesión.
Tanto o itinerario como cada final de tramo estarán sinalizados. En caso de dúbida ou perda é convinte deterse nun punto e porse en contacto coa organización ou co 112 indicando que se está a participar na Andaina de Moreiras.
Estarán situados nos puntos de avituallamento polos que é obrigatorio pasar e acreditarse.
